الحكة مع الحمل

الحكة أوالهرش مشكلة بتواجهها كتير من الحوامل.

مع نمو البطن بيتمدد جلد(البطن) والتمدد ده ممكن يسبب الهرش ولكن فى حالات بيكون الهرش ده سببه زيادة نسبة العصارة الصفراوية ودى مشكلة ممكن تحصل مع الحمل.

ازاى اتعامل مع الحكة دى

حاولى تلبسى هدوم واسعة ومريحة علشان يقل احتكاك الهدوم بالجلد وده هيقلل التهيج

تجنبى الخامات الصناعية من القماش واختارى المواد الطبيعية

الإستحمام بماء بارد أو استخدام كريم هيقلل الهرش بنسبة كبيرة.

لكن فى حالات الحكة الشديدة غالبا بتكون دى علامة لزيادة العصارة الصفراوية مع الحمل وفى الحالة دى الحكة دى مش هيكون معاها طفح جلدي وبتحصل غالبافى شهور الحمل الاربعة الاخيرة وهى حالة خطيرة ممكن تسبب:

الولادة المبكرة أو الموت المفاجئ للجنين أو نزيف ما بعد الولادة علشان كدة استشيرى طبيبك لو واجهتك هذه المشكلة.