الشعور بحركة الجنين يبدأ عند الأسبوع 18 ل 20 من الحمل .لكن لو حامل لأول مرة ممكن يتأخر الشعور بحركة الجنين لبعد 20 أسبوع والحركة اللى بتحسها الحامل بتكون فى شكل (إحساس بركلة او رفرفة او تدحرج) .

مع نمو الجنين يختلف شكل وعدد مرات الحركة وبتكون حركة الجنين بعد الظهر ووقت المساء.

بعض الأوقات ممكن ماتحسيش الحركة لأن الجنين نايم  وفترة نومه من 20ل40 دقيقة ونادراً ماتصل فترة نوم الجنين لأكثر من 90 دقيقة.

حركة الجنين بتستمر فى الزيادة لحد الاسبوع 32 من الحمل وبعد الوقت ده بتثبت على نفس الشكل حتى نهاية الحمل.

 

أهمية الشعور بحركة الجنين.

شعور الأم بالحركة باستمرار بيطمنها على الجنين كمان أى نقص فى  عدد الحركة المعتاد عليها يعتبر مؤشر لضرورة الاطمئنان على صحة الجنين.

عدد الحركات الطبيعى للجنين .

لا يوجد عدد معين لحركات الجنين للتأكد من صحته فحركة كل جنين تختلف عن الأخر ولكن المؤشر هو إختلاف الحركة عن المعتاد عليه طول فترة الحمل.

أسباب نقص الإحساس بحركة الجنين :

حركة الجنين بتكون طبيعية لكن شعور الأم بها هو اللى بيكون قليل  ممكن يقل الشعور بالحركة فى حالة انشغال الأم وعدم التركيز مع حركة الجنين أو إن المشيمة تقع فى الجدار الامامى للرحم كمان فى حالة إن ظهر الجنين مواجه للجدار الأمامى للرحم.

اسباب نقص حركة الجنين :

 تناول بعض الأدوية المهدئة والمسكنات القوية
التدخين و تناول الكحول .

نقص حركة الجنين مشكلة تستدعى استشارة الطبيب فى أقرب وقت ولا يمكن التغاضى عنها

اذا وصلتى للاسبوع 24 من الحمل بدون الشعور بحركة الجنين استشيرى طبيبك لعمل الفحوصات والتأكد من صحة الجنين.