جراحة لسرطان مبيض وقولون لانسه

بِسْم الله الرحمن الرحيم الموفق الشافي .

معندكش وقت تقرأ فا انا بقولك خلاصة البوست السرطان مش بعيد علي حد وفِي اَي وقت كلنا معرضين للابتلاء فا من فضلك .

١ انتفاخ البطن
٢ الشعور بالشبع وعدم القدرة علي الاكل
٣ الخساسان المفرط في وقت قصير .
٤ عدم القدرة علي التبرز والإمساك المزمن
٥ نزول دم من الشرج

علامات ما يتسكتش عليها أبدا .

بفضل الله وكرمه الدائم في السراء والضراء أكرمنا الله في جراحه دامت ٦ ساعت ان نخفف من معاناة هذه الانسه التي عانت .

هي انسه ٣٤ سنه اشتكت من فترة طويلة من امساك و دم من الشرج محدش اهتم يعالجها صح او يتاكد ان ده طبيعي او إنذار بكارثه و بعد كده ظهرت اكياس علي المبيض و هي بتعمل اشعة المقطعية حست بالم شديد قولولها الكيس انفجر و لازم تدخل عمليات و دخلت عمليات فتح الدكتور لقي منظر المبايض غريب شالها مبيض واحد و واداه عينه فطلع فيه خلايا سرطانيه .

قدمت بعدها إلينا عملت المسح الذري و الرنين طلع كتلة في القولون و طلبنا انها تعيد تحليل العينة بتاعة العمليه الاولي و تعمل دلالات اورام دقيقه طلعت سرطان قولون و منتشر للمبيض

تم عمل تحديد دقيق بالمنظار لمكان الورم السرطاني في القولون عن طريق منظار القولون وتم تجهيز اجتماع مع الكونسلتو الطبي لدينا والذي اتفق علي البدء في عمل جلسات كيماوي لتقليل حجم الورم وتم التجهيز لجراحه كبري . تم فيها بفضل الله اخلاء الحوض واستئصال منديل البطن وجزء من القولون والرحم والأنابيب والمبيض وبه السرطان بعد ان انتشر اليه من القولون . ودخلنا في التحدي التالي لمدة ١٤ يوم وهو متابعة الاستسقاء السرطاني لسوائل البطن ومعادلة سوائل الجسد والاطمئنان علي توصيلة القولون وعدم تسريبها والتئام الجرح .

وبفضل الله تعافت هذه الانسه التي ابتلاها الله وبفضل الله خرجت من هذه العملية دون عمل توصيل للقولون للخارج وهذا كان من اهم العوامل النفسيه لها لانها كانت سوف تتبرز من فتحه علي الجلد ولكن الله وفقنا ونجحت هده الوصلة وبعد إمساك مزمن عانت منه وكانت علي وشك انسداد معري كامل أصبحت مثل اَي إنسان طبيعي .

أحلامك الكبيره والعظيمه والمبهجة ممكن تتحول في لحظه لمجرد اماني انك تكون إنسان طبيعي بتخلم وبتشتهي تأكل فرخه وتدخل الحمام عادي زي اَي إنسان . انك متبقاش ماشي بكيس علي الجلد تتبرز فيه .

قول الحمد لله علي كل شيء كلنا مرضي وفِي يوم من الأيام ها نقع . اتمني من الله انك لما تقع تقع وانت عارف تعيش .

بنحارب بعض علي ايه بنسخر من بعض علي ايه شغالين نفسنا بحروب الدنيا ليه بنأذي بعض ليه بنموت بعض ليه بتعملوا كده ليه . معندناش صبر ليه .

الكشف المبكر عن السرطان مش رفاهيه … البدء في العلاج في المراحل الاولي بتخلينا نحافظ علي الرحم ونحمد بويضات ويبقي في فرصه للإنجاب . ما ينفعش يبقي في تاريخ للسرطان في العيله ونسيب نفسنا من غير فحص .

اللهم اني بلغت اللهم فاشهد

من واقع الحياه أقص عليكن علها تكون عظه وإفادة .

#د_البنا_مصر