وفاة الجنين داخل الرحم

أسوا خبر ممكن تسمعه ام …هو وفاة الجنين المفاجاءة اثناء الحمل داخل بطنها. وخصوصا لما يكون الجنين سليم ومافيهوش تشوهات ويجلس الجميع ممن تزورهم سواء كانوا من الاقارب او الصديقات بسرد قصص مماثلة وترشيح أطباء مختلفين وتبدا رحلة البحث عن السبب 
….مات ليه ؟؟؟؟ 

ويبقي عنوان الكشف مات ليه ؟؟؟؟ وتذهب لعشرات الأطباء هو مات ليه ؟؟؟؟

الحقيقه يا سادة ان وفاة الجنين المفاجاءة بحر من بحور علم الحمل وأسبابه كثيره للغايه وتتم له مجموعة من الفحوصات ويزداد بنسبه كبيره في مرضي السكر والمناعة وخصوصا الذئبة التي تفرز اجسام مضادة تهاجم أغشية قلب الجنين والصمامات . بحر طويل يمكننا ان نتحدث عنه لساعات.

تقوم المريضه بعمل كل الفحوصات وتاتي سليمه ويخبط الجميع كفا علي كف ثم تبدا رحلة بتوع الأعشاب وبتوع الأعمال والعلاج بالطاقه والمنتديات والجروبات لكي تلم وصفات مختلفه ونصائح عظيمه قذره وهكذا .

تبدا مرحلة الفتي الطبي ومرحلة نعيشها بقوه الان في ظل عالم الفيسبوك اسميها مرحلة ( قنديل ام هاشم الطبيه ) لضعف مستوي التعلم الطبي المستمر وحروب الأطباء فستجد المريضه نفسها في متاهه لاتعلم لها نهايه وللاسف سيكون تضليلها سهل للغايه .

فيمكن ان تعيش هذه السيدة تدعي عمرها كله علي طبيب لان طبيب اخر قال لها ان الوفاة جاءت نتيجة عدم أخذ حقن للسيوله في الوقت الذي فعليا وطبيا هذه المريضه لا تحتاج الي اَي حقن سيوله . وان قام طبيب محترم بعمل تحاليل دقيقة لمعرفة اذا كانت تحتاج الي حقن سيوله ام لا وظهرت النتيجه سليمه تجد صديقه لها تنصحها ان هذا الدكتور لا يفقه شيء لانه يطلب تحاليل ليست لها قيمه . والغريب ان الثلاث أطباء لن يشكر احد فيهم في الاخر . وهذا هو العبث الذي نعيشه في شتي المجالات .

الحقيقه ان اللي ذاكر او حصل علي شهادات دولية محترمه عارف كويس جدا ايه الخطوات المحترمه اللي لازم يمشي عليها لكن هيبدا المعركه مع ( قنديل ام هاشم الاجتماعي الطبي ) اول المعركه بتبدأ من تشريح الحنين الشيء اللي هيتهاجم عليه لحد مراحل البحث علي اَي معلومه مفيده طوال متابعة حمل الست دي ومش هايلاقي لان ابسط بروتكول هو الكشف المبكر عن التشوهات وأخذ المقاسات السليمه وعمل استبيان المخاطر مش هيلاقيه في ٩٥ ٪؜ من حوامل مصر كلهم .

المشكله اللي بتحصل الغلط فيها بيبقي متبادل في مرضي كتير رغايين جدا وبيحب يسال في كل حاجه وده احيانا بيخلي بعض الأطباء ياخدوه علي عقله ويوافقوا علي كل كلامه بحجة انه يخلص الكشف ودي مصيبه لان انت بتأكد جواه قناعات كارثيه . والمصيبه الأكبر لو في يوم خرج دكتور من العمليات مثلا قال لمريض ان ابوك توفي لانه ( الشربم مجاش في التررم بنفس المعدل ) الداهيه بقي لو عدي دكتور بالليل وقاله ( ان الترررم مفروض معدله يزيد عن الشربم ). بس بقي ؟؟؟؟ مش عاوز اقولك بقي … هو كده ترجم ان في انهيار في المؤسسه جوه وان الناس دي بتكدب عليه وفي مصايب جوه .

احنا كا دكاتره علينا دور في التوعيه ببساطه ومحدش يتكلم في تفاصيل ملهاش لازمه ولازم نبسط الأمور بدون فزلكه طبيه وبدون تعليه من طبيب علي الأخر لان البرتوكولات معروفه عالميا .اما المرضي فا لازم يعرفوا ان مش كل مريض زي التاني ومش كل حاله زي التانيه في واخدة ممكن تسيل زايده في نص ساعه وفِي واحده ممكن تشيلها في ٥ ساعات .

نرجع لموضوعنا من احد نقاط بحر وفاة الحنين المفاجاة ( حوادث الحبل السري ) اللي هو ممكن يحصل في عقدة والعقد دي ممكن تبقي حقيقه وممكن تبقي كاذبه . العقدة لو حقيقية هاتقلل وصول الدم وبالتالي الأكسجين وبالتالي الحنين ها يتبرز في بطن الام نتيجة فتح الشرج بتاعه وتسمع الام كلمة ( الميه معكره ) والحركة تقل .

دي كارثه  ان ام متابعش الحركه تبقي دي كارثه ما ينفعش حمل من غير ما أراقب حركة .

بعد شوية الأحماض تتكون وتوقف قلب الحنين وتحصل الوفاه المفاجاة .

نقف هنا بقي ها تخيل ان دكتور محترم ذاكر كويس وقضي عمره يصرف علي نفسه ويجيب جهاز محترم يعرف يشوف بيه الحبل السري كويس من اول مخرجه لحد مدخله وشاف فعلا العقدة دي . لو قال للست دي ان في عقدة وخلي بألك من الحركه ولازم نتابع . في خمس دكاتره تانين قدامه هاترحلوهم المريضه وها يقولولها ده بيتفزلك وبيهول الأمور والموضوع مش محتاج حاجه.

بالرغم ان الدكتور الاولاني مقالش حاجه غير ان بس خلي بألك وتابعي بس المريض العربي ببكره اَي حد يقوله خلي بالك وركز لازم دايما يطمن .

ري بالظبط ما واحده تبقي عندها مشيمه داخله في جرح وساقطه ودكتور يقولها لازم تعملي حسابك ان دي مش ولادة عاديه وفيها بلاوي ولازم نحاسب جدا في كل حاجه عشان تخرجي بسلام تروح لدكتور تاني يقولها ده بيهول وبيتفزلك ويدخل يولدها فا تموت فا تيجي اختها تلطم وتقول ياريتنا كنّا سمعنا الكلام .

 ودي دايرة قنديل ام هاشم الطبيه قبل الاجتماعية اللي احنا عايشنها في الزمن الصعب ده.

الحقيقه فين ومع مين ومين قال ان دي الحقيقه ده حتي الكلام العلمي بيتغير كل فتره ولو مش مواكبه ها تروح في الرجلين مين يقول ان بعد سنين قعدنا نقول ان اخد الاسبيربن بيحمي من جلطات القلب للاصحاء وطلع غلط وكل سنه في جديد.

خلاصة القول الحبل السري حاجه مهمه لازم تتشاف بالسونار وممكن يكون سبب وفاة للجنين اينعم نسبة قليله بس ممكن تجنن كل الناس . واللي لازم يتعمل لما يتشاف او يتشك في العقدة الست لازم تتابع بدقه سريان الدم عن طريق الدوبلر وفِي خالة حدوث اَي هبوط في معدلات السريان لازم ننقذ الجنين في اسرع وقت وبدون تراخي وبعد الولادة يا ريت كل دكتور يقول للمريضه ان لاقي العقده عشان تبلغ الدكتور اللي هيولدها بعد كده عشان ده دور الامانه وعشان احنا مش مخلدين وكل عيانه ممكن تولد مع حد تاني في ولادة تانيه.

ولاوني صديقي الطبيب المحترم بقدم رجل وآخر رجل وانا بقولك كده لان مجرد ما حتقول لام انك لقيت عقده في منهم ها يفتكرها عمل والمثقفة منهم لو الواد مدخلش بريتش وفشل ودخل أمريكان هيبقي السبب العقدة دي وأنها اثرت انه العيل ما دخلش فريق الوتربولو بتاع النادي . وممكن تقعد ساعه مثلا بعد الولادة تتكلم في موضوع العقدة دي. بفضل الله وستره علينا وعلي هذه المريضه توقعنا وتابعنا وأنقذنا الجنين بسلام

جميع الحقوق محفوظة لعيادات دكتور وائل البنا

error: المحتوى غير قابل للنسخ !!