كتير بنسمع عن متلازمة تكيسات المبايض لدرجة ان كل بنت دلوقتى بيحصلها اضطراب فى الدورة الشهرية بتفسر ده ان ممكن يكون عندها تكيسات المبايض
يعنى ايه تكيسات المبايض
هى عبارة عن حدوث تغير او اضطراب فى وظيفة الدورة الشهرية ونتيجة حدوث الاضطراب ده بتظهر اعراض وهى :
اضطراب وعدم انتظام الدورة الشهرية وده بيحصل لان التبويض بيكون غير منتظم
زيادة هرمونات الذكورة فى الجسم ونتيجة زيادة الهرمونات دى بيحصل تغيرات فى الجسم زى زيادة شعرالوجه والجسم
ظهور تكيسات فى المبيض :بيزيد حجم المبيض ويظهر فيه تكيسات عبارة عن سوائل وجواها البويضات ,البويضات دى ماخرجتش وعلشان كدة مش بيحصل تبويض
فى فرق بين تكيسات المبايض ووجود اكياس على المبايض
ايه هى اعراض تكيسات المبايض
عدم انتظام الدورة الشهرية او انقطاع الدورة تماما
تأخر الانجاب وده بيحصل علشان التبويض مش منتظم او مش بيحصل تبويض اصلا
زيادة شعر الجسم فى غير الاماكن الطبيعية لظهور الشعر زى مثلا ظهور شعر فى منطقة الدقن او الظهر او المؤخرة
زيادة الوزن
ضعف شعر الراس وزيادة التساقط وظهور حب الشباب والبشرة الدهنية
بيبقى فى احتمالية للاصابة بامراض تانية زى الضغط العالى وكمان مرض السكر
العلاج
علاج تكيسات المبايض هو عبارة عن علاج للاعراض فمثلا
لو كان عندك زيادة فى الوزن فخسارة الوزن الزائد هاتساعدك كتير على حدوث التبويض وانتظامه
فى بعض العلاجات بتستخدم علشان تعالج الاعراض زى مثلا زيادة الشعر او عدم انتظام الدورة الشهرية
كمان ممكن نستخدم ادوية تزود الخصوبة وتساعد على تنشيط التبويض اذا كانت الشكوى تأخر الانجاب