الجديد :
احجز موعد الاّن
اتصل بنا +201222233336
الرئيسية
المقالات

المشيمه المتقدمه

بتاريخ :
14648 مشاهدة
المشيمة المتقدمة
فى بعض السيدات اثناء الحمل بتكون المشيمة مش فى مكانها الطبيعى اثناء الحمل ولكن بتثبت فى اسفل الرحم واوقات ممكن توصل لعنق الرحم او تغطيه
ايه هى خطورة المشيمة المتقدمة
بسبب ان المشيمة مش بتكون فى مكانها الطبيعى فى اعلى الرحم بيكون فى خطورة انه يحصل نزيف وخاصة قرب نهاية الحمل وممكن تكون كمية الدم كبيرة لدرجة انها تأثر على الام والجنين كمان الولادة غالبا بتكون قيصرية مش طبيعية لان المشيمة بتكون فى القناة اللى المفروض يخرج منها الطفل اثناء الولادة الطبيعية
ازاى بيتم تشخيص المشيمة المتقدمة
بيتم تشخيص المشيمة المتقدمة عن طريق عمل سونار فى الاسبوع ال 20 من الحمل لكن مش كل الحالات اللى بيتم تشخيصها بالمشيمة المتقدمة فى الاسبوع 20 من الحمل بتستمر
فى حوالى 9 من كل 10 حالات تم تشخيصهم بالمشيمة المتقدمة اثناء الحمل بتترفع المشيمة لمكانها الطبيعى وبيكون وضعها طبيعى بعد كدة اثناء المتابعة بالسونار
بيتم تأكيد الاصابة بالمشيمة المتقدمة عن طريق السونار المهبلى
لو حصل نزيف مهبلى فى النص التانى من الحمل او لو كان وضع الجنين غير الوضع الطبيعى للولادة الطبيعية واللى بيكون فيه اتجاه راس الجنين لتحت فى اتجاه حوض الام لازم يتأكد الطبيب من عدم وجود المشيمة المتقدمة
متابعة الحمل فى حالة المشيمة المتقدمة
لو تم اكتشاف وجود مشيمة متقدمة عند الاسبوع ال20 من الحمل اثناء عمل السونار بيتم عمل سونار تانى عند الاسبوع ال 32 من الحمل للتأكد اذا كان وضع المشيمة فى اسفل الرحم ولا اتحركت ورجعت لمكانها الطبيعى وبيتم عمل سونار تانى على الحمل فى الاسبوع ال 36
للتأكد من الوضع النهائى للمشيمة
فى حالة تأكيد التشخيص بالمشيمة المتقدمة بيكون فى عرضة اكبر لحدوث ولادة مبكرة وعلشان كدة بيتم اعطاء جرعة من حقن الكورتيزون خلال الفترة مابين الاسبوع 32 و36 من الحمل لتنشيط رئة الطفل تحسبا لحدوث ولادة مبكرة
الولادة
اثناء فحص المشيمة بالسونار فى الاسبوع 36 من الحمل لو كانت المسافة بين حافة المشيمة وعنق الرحم اقل من 20 مم فى الحالة دى بتكون الولادة القيصرية هى الاختيار الامثل للولادة لكن لو كانت المسافة اكتر من 20 مم فى الحالة دى ممكن تتم الولادة الطبيعية
بتتم الولادة القيصرية خلال الفترة بين الاسبوع ال36 والاسبوع 37 فى الحمل فى حالة عدم حدوث نزيف من المشيمة قبل الفترة دى
لكن لو حصل نزيف ممكن تتم الولادة فى وقت اقرب
فى احتياطات اكبر بيتبعها الدكتور اثناء عملية الولادة فى حالة المشيمة المتقدمة لان بيكون فى عرضة اكبر لحدوث النزيف ممكن توصل الاحتياطات دى لاستئصال الرحم بعد الولادة فى حالة عدم توقف النزيف .
لذا يتم عمل تقييم دقيق وتحديد لكافة المخاطر التي تتعرض لها مثل هذه الحالات لدينا في المتابعه و معرفة مدي تغلغل المشيمه في اعضاء الحوض الداخليه من مثل المثانه و القولون ويتم تحريرها من هذه الالتصاقات و الحفاظ بفضل الله علي الرحم دون المساس بشرايين الرحم الرئيسيه حتي لا تؤثر علي معدل سريان الدم الي الرحم في الولادات المقبله .
لمشاهدة حالات حقيقه مختلفة المشيمه المنخفضه الملتصقه و المخترقه لجدار الرحم ( الروابط اسفل البوست )
#وائل_البنا

إحجز الآن فى الكشف الأونلاين

جميع الحقوق محفوظة لعيادات دكتور وائل البنا

error: المحتوى غير قابل للنسخ !!