متلازمة ماقبل الدورة الشهرية

متلازمة ماقبل الدورة الشهرية
هى عبارة عن الاعراض الجسدية والعاطفية اللى بتواجهها معظم البنات والسيدات واللى بتأثر على حياتهم اليومية فى الوقت ده .الاعراض دى بتختلف من انثى لاخرى كمان فى نفس الانثى بتختلف من شهر للتانى الاعراض دى بتبدا تتحسن مع نزول دم الدورة الشهرية وبتختفى مع نهايتها والاعراض دى بتشمل:

❖ تقلبات مزاجية زى شعور بالاكتئاب او الانفعال او المزاج السئ

❖ احساس بالقلق او الانفعال

❖ تعب وارهاق عام مع صعوبة فى النوم

❖ صداع

❖ تغيرات فى الشهية مع زيادة الرغبة فى تناول الطعام

❖ زيادة نسبة احتباس المياة فى الجسم

❖ كمان بيحصل تغيرات فى الشعر والبشرة

❖ وجع مع زيادة او تورم بسيط فى الثدى

ليه بيحصل اضطرابات قبل الدورة الشهرية

بيحصل تغير فى مستوى الهرمونات الانثوية وده بيكون السبب فى الاضطرابات والاعراض اللى بتحصل

​ ​ازاى بيتم تشخيص متلازمة ماقبل الدورة الشهرية

اذا كنتى بتواجهى اضطرابات وتغيرات قبل الدورة الشهرية حاولى تسجلى كل الاضطرابات اللى بتواجهيها على مدار شهرين واتناقشى فى الاعراض دى مع الدكتور علشان يحدد اذا كانت الاضطرابات دى ليها علاقة بمتلازمة ماقبل الدورة الشهرية او لا

كمان فى طريقة تانية وده فى الحالات الشديدة بيتم اعطاء ادوية بتوقف انتاج الهرمونات وبيتم تقييم الاعراض بعد وقوف الهرمونات

ازاى نقلل الاضطرابات والاعراض

تعديل نمط الحياة

ممارسة الرياضة بانتظام بتساعد على تحسين الاعراض والاضطرابات اللى بتحصل

كمان الاهتمام بالتغذية السليمة والمتوازنة مهم لمواجهة الاعراض

الاهتمام بالانشطة اللى بتساعد على تقليل الضغط العصبى زى اليوجا والاسترخاء

العلاج

❖ علاج غير هرمونى

الادوية المضادة للاكتئاب :

لازم تتوصف عن طرق الطبيب علشان يحدد اذا كانت مناسبة للحالة او لا كمان يحدد النوع المناسب والجرعة ووقت الاستخدام المناسب

الاعراض الجانبية بتشمل الغثيان والارق والتعب وممكن يحصل تغير ونقص فى الرغبة الجنسية

ماينفعش نوقف استخدام الادوية المضادة للاكتئاب فجأة لازم يتم وقفها بالتدريج وبواسطة الطبيب

❖ علاج هرمونى

وده بيستخدم علشان يعدل من هرمونات الجسم وبالتالى تقل التغيرات الهرمونية اللى بتحصل فتقل الاضطرابات والتغيرات المزاجية والجسدية

اصبح هناك انتشار ملحوظ لهذا المرض و قد يعز ذلك لنمط الحياة الغير صحي وكثرة الضغوط ولذا يجب ان تعلمي انك لست وحدك وهناك الكثيرون يعانون في صمت و نحن معك للوصول للتشخيص السليم لانها قد تكون لاسباب اخري كثيرة منها القولون العصبي والبطانة المهاجرة ولذا عيادة الالم المزمن في الحوض لدينا يوميا ويتم وضع خريطة كامله للعلاج .

#د_البنا_مصر
#وائل_البنا