لما بتقعد قدامي مريضه بتبكي وجنبها جوزها مَش عارف يتكلم ومخنوق . .. يوم مر ذي كل يوم مر بيعدي عليهم الاقي الست بتتكلم وفِي كلامها مرار وفقدان للامل تماما بمعني كلمة تماما .
تقولي احنا بقالنا ١٨ سنة بندور علي الخلفة عملنا ٨ مرات حقن مجهري وفشلنا في كل مراكز مصر دكتور فلان ودكتور علان قالولي عمرك ما ها تحملي . انا عديت الاربعين ومخزون المبيض ضعيف جدا . انا انفتحت بطني ودخلت الرعاية المركزه وشالولي انبوبة والتانية انسدت وجالي التصاقات عشان حمل خارج الرحم .
انا عندي امل يا دكتور …. انا ممكن اخلف وابقي زي اي ام . ؟؟؟
اقف هنا وفكر واعقل الكلام . وتخيل حجم المسؤلية والامل اللي الناس دي بتبقي حاطها علي كتفك .
لو مشيت مع اراء الناس كلها اللي قالتلها كده هتبقي منعت امل عنها وسديت طريق ربنا رايد انه يفتحه .
ولو اجتهدت ومحملتش هتبقي نفسيتها في الارض .
اجابة السؤال صعبه جدا .
بفتكر الاسرة الجميله دي وهم بيسألوني السؤال ده من حوالي ٣ سنين .
لو كنت قولتلهم لا مافيش امل وانسوا الخلفه مكنش تبقي في ايديهم دلوقتي ست البنات ( مرام )
انا بقول لكل اسرة ضاقت بيها الحال لسنين اوعوا تفقدوا الامل ربنا كبير اكبر من اي حد ،،،،، اجتهدوا وجددوا املكوا مع الله . لان عطاءوه اذا اراد مذهل .
اللهم بارك لهم في مرام واجعلها سندا لهم في الدنيا .
اللهم اجعلنا من الخير وفِي الخير والي الخير
