حقن الرئة

إيه هي حقن الرئة؟

هي نوع من الأدوية تُعطى لك لمساعدة طفلك لو كان فى احتمال إنك تولدى بدرى. ودى حقن عضل والعلاج بيكون من حقنتين إلى أربع حقن عادة على مدى 24-48 ساعة. والحقن ده بتساعد في نمو رئة الطفل ، وبالتالي بتزيد من فرصة بقاء طفلك على قيد الحياة بمجرد ولادته. وكمان بتقلل من فرصة تعرض طفلك لمضاعفات خطيرة بعد الولادة زى مشاكل التنفس بسبب عدم اكتمال نمو الرئتين أو النزيف في المخ أو الإصابة بعدوى خطيرة أو التهاب الأمعاء.

الحقن دى بتكون مفيدة للغاية لو خدتى آخر جرعة ما بين 24 ساعة وأسبوع قبل الولادة. لكنها بتفيد حتى  لو اتولد طفلك في غضون 24 ساعة من الجرعة الأولى.

يُنصح بتناولها إذا كانت هناك احتمالية لولادة طفلك قبل 35 أسبوعًا من الحمل.