(سجطت في الحليب ما بينتله عكاره )
في عز اللحظه اللي بنشوف فيها ام عراقيه بترمي اولادها في نهر وفِي عز اللحظه اللي بنشوف فيها ام واب مصريين سابوا ضناهم اسبوع بحجة انهم متخانقين مع بعض لحد ما كل واحد اعتمد علي التاني او اي كان المبرر القذر لحد ما الرضيع مات .
وفِي عز اللحظه اللي بنشوف فيها ست مصريه بتتفق مع عشيقها لقتل الطفل بعد الولاده بالخنق او برميه في الزباله في حين كان سهل جدا يتحط قدام جامع او دار ايتام زي افلام زمان كده والبطله تقعد تتلعن طول الفيلم لحد ما توب لكن الحقيقه يا ساده ان الافلام شيء والحقيقه غير تماما . المؤلف في الافلام يود دائما ان يضع نهايه سعيده والحقيقه دائما عكس ذلك ( فالحياة ليست ورديه )
في عز ما بتلاقي رجل الدين الواعظ وقت المحنه في حالة غلط ابنته بيجد الف وتبرير وتبرير لاجهاض الجنين . في عز ما بتلاقي الرجل الانيق المثقف بيدور علي اي سبب لاجهاض زوجته التي لا يود ان يكمل معاها .
تأتي هذه الجميله قلبا وقالبا الحنونه فعلا و قولا حنيه غير مصطنعه حنيه تغرق الدنيا كلها . قلب يقدر يغطي الدنيا حنان وامان .
ام لا اربع اطفال من المنوفيه ابن سليم معافي في الجامعه و٣ شباب بمخ وادراك الاطفال . الاب قرر ينسحب من حياتهم تماما هتقولي ليه ؟؟؟
الحمل كان تقيل عليه جايز . جايز حد اقنعه انه الصفه الوراثيه دي عند الام معتقدش يكون صرف اي اموال عشان يعمل تحاليل مكلفه جدا لمعرفة السبب من مين . طب ممكن يكون حد قاله غير العتبه واتجوز واحده تانيه جايز اصل خرابين البيوت دول كتير .. طب ما هو حقه يا دكتور . ؟؟ جاك كسر حقه وانا اسف وانا بقول كده لان ابسط شيء يصرف عليهم ويقف جنب اللي ضافرها بالف راجل دي اللي بتدخل تلت رجاله الحمام وتاكلهم وتحوط عليهم لان فدارت مخهم اقل من الاطفال ممكن يتحركوا في مكان يتوهوا وميرجعوش .
الست دي زي ملايين من ستات العرب الجدعان اللي بيصرفوا علي البيوت اللي شقيانين وبيوتهم ويمكن كمان بيوت اخواتهم مفتوحه بحسهم .
فا لو مافيش فحوصات تبين اسباب وهو عاوز يتجوز مثلا او يهرب من الواقع لانه ممكن يكون واقع مؤلم ومش قادر يستحمله واحنا مَش في مكانه ومكانه صعب علي الاقل يصرف عليهم ويقف جنب الست الحلوه دي القمر دي . الجدعه دي . ويعمل اللي هو عاوزه .
طب يا دكتور هم ليه ما اجهضوش الاطفال دي وهم اجنه .
طب انت شايف ليه يجهضوهم مَش جايز دخول الجنه يبقي علي يد التلت ملايكه دول .
طب مَش جايز لما صبرت علي الابتلاء ده ربنا رضاها بشاب سليم في الجامعه يبقي سندها في الدنيا .
طب يا دكتور الموضوع ده ممكن يتشخص في الاول . ؟
نعم في اول ٣ شهور بنبدأ نلاحظ صغر حجم جمجمة الجنين وعاوز اقول حاجه مهمه جدا اتمني الجميع يشيرها لعلها تكون افادة . اخطر تشوه خلقي في المخ بيأثر علي حياة الانسان وادراكه وتفكيره هو صغر حجم جمجة الجنين .
اخطر من الميه في المخ يادكتور ؟؟
بكتير … الميه في المخ ليها علاجات وممكن اقولك ان في ناس مرموقه في البلد وفِي مناصب واماكن مهمه وكان عندهم ميه في المخ وهم صغيرين .
لو بنصح حد نصيحه . اهم حاجه اننا نتابع مقاسات الجنين .
طب يا دكتور لما حصل البيبي الاول ليه لما حملت تاني ما تبعتش ؟؟
عندك ٣ احتمالات والتلاته مَش فارقين معايا بس انا برد علي فضولك وعلي الحاجه اللي جواك اللي بتدفعك انك تتخلص من الاطفال دي .
الاحتمال الاول ما تبعتش
الاحتمال التاني اكتشفت الموضوع واخدت قرار الاحتفاظ بيهم
الاحتمال الثالث الدكتور ماشفش العيب ده بالسونار او اكتشفه متاخر وكان عدي وقت الاجهاض .
طب هو يا دكتور الاطفال اللي زي كده بيجهضوهم في اوروبا او امريكا ؟؟؟
اه ياسيدي لو اكتشفوا الموضوع متاخر بيتحقن مادة في قلب الجنين عشان يتوفي وبعدها ينزل ميت .
طب ليه كده ما يدوها حبوب اجهاض وخلاص .
طب ولما ينزل بيتنفس وقلبه شغال سيادتك عاوز نجيب مخده ونحطها علي وشه لحد ما يموت ولا انت نظامك ايه ؟؟؟
طالما نازل مكتمل فيه قلب ونبض الدوله عليها مسؤليه انها تصرف عليه كل الاموال عشان يعيش ولو اهله مَش عاوزينه الدوله بتديه لناس عاوزه تعمل خير او تتبني او دار ايتام .
طب يعني هو يا دكتور من الرحمه نحقن حاجه في قلبه لحد ما يموت ؟؟؟
اكيد زفت بردو وحاجه غير انسانيه .
طيب يا دكتور انت يوميا بتشوف حالات تشوهات كتير الناس بتعمل ايه ؟؟؟
احنا في الاسبوع بنشوف حالات تشوهات اجنه من الوطن العربي كله . في حالات بسيطه وبنقدر نساعدها ونعالجها اثناء الحمل او بنحضر بعد الولاده ونعالجهم وفِي حالات قاسيه بنبقي عارفين ان الجنين ها يموت لوحده او يجهض لوحده من عند الله وده بيبقي كرم كبير من عند الله لان الجنين لو اتولد ممكن يبقي فيه اعاقه مدي الحياه .
طيب يا دكتور ايه الحل لو حد عنده المشكله او مشكله تانيه دي وبتتكرر في كل عياله ومش عاوز يجهض اطفاله ؟؟
لازم يعمل حاجه اسمها الحقن المجهري باستبعاد الجينات المسببه لنفس التشوه الخلقي ده .
انا كده رديت علي كل اللي في بالك فاكر بقي اغنية محمد منير لما قالك ( سجطت في الحليب ما بينتله عكاره ) ؟؟؟
اه
اهي هيه دي ام قلب صافي وروح صافيه اللي المفروض ولادنا والاجيال الصغيره تعرف معلومه مهمه جدا . لما تختار شريكه حياتك اختار الست الجدعه اللي زي دي وصونها ودللها . لو جيت حضرتك ليستة عمليات تجميل واحدة ها تعرف ان اي ست في الدنيا ممكن تبقي ملكة جمال وجذابه مع دكتور تجميل شاطر لكن عمرك ما هتلاقي الجدعنه والاصل الا في ستات قليله جدا سيادتك ممكن تلاقي الطبطبه لكن تلاقي الجدعنه والصبر علي الابتلاء ده محتاج تدوير شويه وبص للامور بمنظور مختلف تماما .
اللهم ادخل هذه الام واولادها هيه ومن علي شاكلتها فسيح جناتك. اللهم يا من تريد بأياتك وبعلاماتك ان تلهمنا التأمل والتدبر هب لنا رحمة من عندك وساعد من في قلبه حيره علي تحمل الابتلاء وحوله الي سعادة ورضا .
اتمني اي حد يعرف قصة اي سيده عربيه مثل هذه السيده العظيمه ان يرسل لنا قصتها .
#سجطت_في_الحليب_ما_بينتله_عكاره
#د_البنا_مصر
#تشوهات_الاجنه
