بفضل الله
( عينة المشيمة من الجنين )
ابني شاكين انه مشوه وانا في اول الحمل ومحدش عارف يفيدني اعمل ايه ومش عارفه اخذ قرار ..
لو انت في الوضع ده اسمعي الكلام كويس جدا .
هتلاقي حد ها يقولك اعملي تحليل دم منك انت :
هنا الكلام ها يتقسم اتنين .
تحليل لمجرد معرفة علامات معينه في الدم وبيان وضعه مع قياس سمك القفا للجنين وده تحليل روتيني المفروض لكل الحوامل اللي في الدنيا كلها واللي خلهم ربنا بس ده مش تحليل تشخيصي ده تحليل بيشككنا اذا كان الجنين ده محتاجين نعمله فحوصات اكبر ولا .
وتحليل اخر درجته قويه ولكنه ليس تحليل تشخيصي اكيد ولكن درجة قوته لمعرفة متلازمة داون قوية ومقبولة اما باقي المتلازمات والتشوهات فهو ليس دقيق . ( التحليل ده بياخد من خلايا الجنين اللي بتبقي سابحه في دم الام )
طب اعمل ايه انا في اول الشهر الثالث وعاوزه اتاكد تماما عشان اخذ قرار الاجهاض قبل معاد ال ١٢٠ يوم . ؟؟
قالولي اني استني لحد الشهر الرابع عشان اسحب عينة من السائل الامنيوسي وكده ها يعدي معاد ال ١٢٠ يوم ؟؟
قالولي اني ابني اللي فات كان مشوه ولازم اعمل التحليل ده بدري وكل ما اروح لحد يقولي استني للرابع ؟؟
الحل بسيط جدا وسهل تمام وليتم في ١٠ دقائق وبيتعمل اول الشهر التالت وهو تحليل دقيق وتشخيصي تماما لانه بياخد عينه من مشيمة الجنين وترسل الي معمل الوراثة مع سونار للجنين .
وبكده تقدري تاخدي كل قراراتك وبوضوح وعلي بينه .
اخذ عينه من المشيمه اجراء امن تماما مع الايادي المحترفة ولا تخافي ممن يرهبك من هذا التحليل .