حاجه جميله بفضل الله لما تلاقي أسره محترمه وجميله تلاقيها داخله عليك وانت بتدي محاضره في مؤتمر في دبي وتجي بس عشان تشكرك وتتديك مصحف في ايديك بعد ١٧ سنه تاخر حمل و١٠ مرات فشل حقن مجهري .
. محدش أداهم اَي أمل ووصلوا لمرحلة من الياس ولو كنت عملت كده ومحاولتش معاهم بالرغم من فشل ١٠ مرات في مصر وفي الامارات مكنتش القمر دي الله يحفظها معانا دلوقتي مجرد بويضه واحده عملت جنين واحد وعملنا مراقبة جيدة واستخدمنا بروتكول مختلف وانتقاء للاجنه
. اجتهدنا وربنا راد ان يفرحهم لان نفسيتهم من اجمل ما يكون .
فكرة ان انسان يروح عند طبيب واتنين وعشره وهم من اقدم الاطباء في مجال الحقن المجهري في الوطن العربي ويأكدله ان مافيش امل وانسي تماما فكرة كفيلة انها تقتل اي انسان من جواه وتخليه يموت وهو عايش .
في طبيب في كل تخصص لا ييأس وبيحاول دائما وده الطبيب اللي لازم الناس تحاول معاه سواء في مجال الجراحه او الباطنه او الاطفال .
الناس اللي فقدت رحمها وارحمها اندمرت من او ذوي الرحم الطفولي لحد ٧ سنين فاتوا مكنش ليهم امل الا الام البديله دلوقتي عمليات زرع الرحم بتنجح والستات بيحملوا ونسب نجاح زراعة الرحم بقت مقبوله .
.
الصبر ثم الصبر ثم الصبر وعدم الياس ومش معني ان أطباء غالبيتهم ليهم رأيء انك مش هاتخلفي يبقي الكلام يتاخد انه صح . لو اتعلمت حاجه في المهنه دي ها ابقي اتعلمت ان ربنا كلمته اكبر من اَي شيء . كان ممكن نفشل عادي بس المهم اننا نحاول ونبذل كل الجهد .
الناس الجميله دي أمل لكل واحدة فيكوا وبالصوت والصورة ذي ما عودناكم عشان الناس اللي مهنتها تتضلل ناس .
ربنا يحرس القمر دي ويجعلها من احسن الناس .
.