ده اهم مقال ممكن اكون كتبته من فتره . بس الست اللي في الصوره دي انا بعتز بيها جدا . و بحس ان دي ايه من ايات ربنا علي الارض عشان نبقي عندنا ايمان تام ان الله اذا اراد شيئا وامر به فان العلم و الطب يقف في تحير شديد . انا اتشرفت اني عالجت الست دي اللي كانت بتدفعني بقوة ان الامل موجود .
بطانة مهاجرة عنيفه من الدرجة الرابعه مخزون مبيض صفر ( ٤ ٠.٠) هرمون fsh . ٢٦ عشان في اطباء مش ها تصدق . اكرمنا الله بعمل عملية معقدة و بعدها حقن مجهري ببويضة واحدة نجح التخصيب بجنين واحد و حملت و تمت الولادة في الامارات .
لو كنت قلتلها لا مش ها اعالجك لان لوعالجتك ها يقولي عني نصاب مكنتش تبقي ام . لو كنت قلتلها امشي ما فيش امل كنت ها ابقي غلط . ربنا كرمني اني اقولها الحقيقه كامله و ان النسبة ضعيفة جدا جدا جدا . الاقيها بغرابة بتضحك و بتقولي كل حاجه ها تبقي كويسه بأذن الله .
مثال للست العربيه المحاربه اللي بتدي امل لستات كتير ان الطبيب دوره بذل الجهد و اخبار الحقائق و المريض دوره الايمان بأردة المولي والسعي . والله هو الشافي ومحقق المعجزات .
ليعلم الجموع ان التوفيق في ايجاد طبيب رزق.. ان يكرم الله الطبيب بالطريق الصحيح رزق .. الصحه رزق .. وان الله سبحانه وتعالي هو الواهب لهذه الاشياء
